Пара ұсынғандар қылмыстық жауапкершілікке тартылуы мүмкін

Пара ұсынғандар қылмыстық жауапкершілікке тартылуы мүмкін. Заңға осындай өзгеріс енгізу қарастырылып жатыр. Бұл тәжірибе 38 елде бар. Әзербайжан, Армения, Грузия, Қырғызстан, Литва, Эстония сынды мемлекеттердің заңында қарастырылған. Пара беруді ұсынғандарды қылмыстық жауапкершілікке тарту туралы баптың болуының өзі тәртіппен қатар мәдениетті де қалыстастырады дейді агенттік өкілі.

Бүгін Мәжілісте Сыбайлас жемқорлыққа қарсы Заңға өзгеріс пен түзетулер енгізу мәселесі қарастырылды. Жаңа құжатта жемқорлардың тізімін жариялау да көзделіп отыр. Яғни ірі көлемде ақша жымқырғандардың аты жөнінен бастап, қанша қаражат алғаны, қанша жылға сотталғаны туралы толық мағлұмат антикордың ресми сайтына жариялау жоспарлануда. 

Самал Қабышева