Оңтүстік Кореяда «қара жәшіктер» ұшақ құлардан 4 минут бұрын дыбыс жазуды тоқтатқан

Оңтүстіккореялық ұшақ құлауға 4 минут қалғанда, оның «қара жәшіктері» пилоттардың дауысы мен апат туралы мәліметтерді жазуды тоқтатқан. Мұны осы елдің көлік министрлігі мәлімдеді. Оның дерегінше, қазір бұл олқылықтың себебі тергеліп жатыр. Және де мәліметтердің жоғалғаны белгілі болғаннан кейін, жәшіктерді зерттеу үшін АҚШ-қа жіберілген.

Жолаушылар лайнері желтоқсанның 29-да Муан әуежайы маңындағы бетон қоршауға соғылып, 179 адам қаза тапты. Апат алдында оның пилоттары ұшақтың құстардың соққысынан зардап шеккенін хабарлап үлгерген.

Арыстан Рысбек