«Таза Қазақстан» акциясы Қостанай облысының бірнеше ауданында өтті

Бүгін «Таза Қазақстан» акциясы Қостанай облысының бірнеше ауданында өтті. Рудный қаласында құстарға жем салғыштар дайындалса, Жітіқара ауданында пластик қалдықтарды қайта өңдеуден шеберлік сағаттары ұйымдастырылды.

Ал Қостанай ауданының орталығы Тобыл қаласында ерікті жастар мен мемлекеттік қызметкерлер балабақша ауласын қардан тазартты. Осылайша мектепке дейінгі мекеме қызметкерлеріне көмек қолын созды. Жалпы «Таза Қазақстан» акциясы басталғалы Қостанай ауданында рұқсат етілмесе де қоқыс алаңына айаналған 80 орын жойылды. Іс-шараға 10 мыңнан аса адам тартылған. Барлығы 20 мың тоннадан аса қоқыс шығарылды.

Валентина Орлова, аудандық ішкі саясат бөлімінің бас маманы:

«Қарды бірге тазалайық» акциясын жұмада бастадық. Алғашқы нысан «Балбөбек» балабақшасы болды. 7 ойын алаңын тазаладық. Сөйтіп осы ұжымға өз көмегімізді тигіздік.

Дәуренбек Әбдібек