55 млн қаржы ұрлаған күдікті Швецияда ұсталды

Қазақстандық банктердің бірінен 55 млн теңге көлемінде қаржы ұрлаған күдікті Швецияда ұсталды. Бұл туралы Ішкі істер министрлігі хабарлады. Тергеу мәліметтері бойынша 38 жастағы азамат 2018 жылы Алматы банктерінің бірінде ақша аударымдарын жүргізіп отырған. Ер адам 55 миллион теңгені ұрлап үлгерді деген күдік бар. Қазір ол шетелде қамауда отыр. Күдіктінің кінәсі дәлелденсе, 3 жылдан 7 жылға дейін бас бостандығынан айырылуы мүмкін.

Аида Ахметбек