Жаңалықтарды Telegram арнамыздан оқыңыз!Атырауда жедел құтқару жасағының станциясы ашылды. Былтырғы алапат тасқынна кейін төтенше жағдайға әзір болып, жедел қимылдау үшін суда құтқару станциясы қажет болды. ТМД-да теңдесі жоқ жаңа ғимарат Жайық өзенінің жағасында орналасқан. Нысанның құрылысына 700 млн теңге қаражат бөлінді. Станцияның ашылуына Төтенше жағдайлар министрі Шыңғыс Әрінов те қатысты. Қызметкерлерге 10 көлік пен қайық берілді, 11 отбасыға жаңа баспананың кілті табысталды.
Рәтбек Демеуберген, Атырау облыстық ТЖД бастығының орынбасары:
Бұл станция қалай суда да құтқару жұмыстарын жүргізу – дәл солай құрлықта да құтқару жұмыстарын жүргізуге арналған нысан болып есептеледі. Осы жылы тағы да Махамбет ауданында жаңа өрт сөндіру бөлімі ашылады деп жоспарланып отыр.
Нұрсұлтан Нұрсейіт
