Қызылордада мұнай ұрлағандар ұсталды

Қызылордада мұнай ұрлығымен айналысқан қылмыстық топ ұсталды. Қазір ұйымдасқан қылмысқа қатысы бар 9 адам қамауға алынды.

Полиция мен прокуратура қызметкерлері бірлесіп, қылмыскерлердің айласын әшкере қылды. Кәсіпорынның өз қызметкерлері мен күзетшілері сыбайласып, мұнай өнімдерін қолды қылған. Жіті тексеріп, тінту барысында 25 тоннадан астам қара алтын тәркіленді. Әзірге өндіріс орнына 200 миллион теңгеден астам залал келгені анықталды. Тергеу жүріп жатыр.

Әділбек Серікұлы