Жаңалықтарды Telegram арнамыздан оқыңыз!Жетісу облысында жылына 44 млн керамзит кірпішін өндіретін зауыт, өнімін өткізе алмай отыр. Ірі құрылыс нысандарын ұтып алған мердігерлер жергілікті кәсіпорынның өнімін алмай, материалдарды сырттан тасымалдайды. Өңірге іссапармен келген Мәжіліс депутаттары алдында 170 адам еңбек ететін зауыт басшысы осындай мәселе көтерді.
Осыған ұқсас жағдай жергілікті азық-түлік өндірушілерді де мазалайды. Әскери бөлімдер, ауруханалар және тағы басқа мемлекеттік мекемелердің асханаларына азық-түлік басқа жақтан сатып алынады. Нәтижесінде жергілікті тауарөндірушілер өнімін арзан бағамен ұсынып, шығынға батып отыр.
Болат Керімбек, ҚР Парламенті Мәжілісінің депутаты:
Кез келген параметрлері беріледі. Сол арқылы алматылықтар, шымкенттіктер басқа да облыстардан келіп ұтып алады. Және сол жақтың кірпіштерін тасиды дейді. Мен сатып алу заңына тағы да өзгеріс жасап, осындай құрылыс материалдарын шығаратын өңірлерде сол өңірдің өнімін алу мәселесін көтеру керек деп ойлаймын.
Қуаныш Қанатұлы
