Жаңалықтарды Telegram арнамыздан оқыңыз!АҚШ-та деменцияға шалдыққан адамдарға серік болатын робот күшік құрастырылды. «Джини» деп аталатын темір лабрадор сипағанға, дауыстық командаларға жауап береді, тіптен құйрығын бұлғаңдатады. Роботты Том Стивенс есімді калифорниялық кәсіпкер ойлап тапқан. Оған анасының Альцгеймер ауруына шалдығуы себеп болған. Осындай жандардың өмірін жеңілдету үшін Том оларға серік болып, көңілін аулайтын темір күшік жасап шығарды. Төртаяқты робот жалғыздық, мазасыздық, депрессияны жеңілдетуге көмектеседі. «Джини» биыл қолданысқа беріледі. Оның бағасы бір жарым мың доллар көлемінде болмақ.
Арай Төлегенқызы
