Маңғыстау шекарашылары 2 мыңдай бекірені құтқарды

Маңғыстауда Каспий теңізіндегі мемлекеттік шекараны күзетуші сақшылар 2 мыңға жуық бекіре балығын құтқарды.

Оған қоса жүзден астам итбалықты аман алып қалып, қайта теңізге жіберген. Ал браконьерлерден 500 шақырымдық ау тәркіленді. Каспий акваториясында Қазақстан заңнамасын бұзғандар құқық қорғау органдарына тапсырылып, тиісті жазаларын алған. Осылайша Ұлттық Қауіпсіздік Комитетінің шекара қызметі былтыр браконьерліктің 390 дерегін жойды. Алдын-алу жұмыстарының арқасында 4,6 миллиард теңге шығынға жол берілмеді.

Аягөз Оралбайқызы