Тибетте зілзала құрбандарының саны 126-ға жетті

Қытайдың Тибетінде жер сілкінісі құрбандарының саны 126-ға жетті. Іздеу-құтқару операциялары түні бойы тоқтамаған. Соңғы мәліметке қарағанда, соңғы тәулікте 400-ден астам адам құтқарылып, 30 мыңы қауіпсіз жерге көшірілді.

Қуаты 6,8 балдық зілзаланың эпицентрі әлемнің ең биік шыңы - Эверестен солтүстікке қарай 80 шақырым жерде, 10 шақырым тереңдікте анықталды. Сейсмикалық дүмпуді Непал, Бутан, Үндістан елдерінің тұрғындары да сезген. Жер тербелісінен Тибеттің Шигадзе аймағында 3 мың 600-дей үй қирады. Зардап шеккен адамдарға көмекке 500-ден астам адам мен 130 жедел жәрдем машинасы жөнелтілген.

Арыстан Рысбек