Жаңалықтарды Telegram арнамыздан оқыңыз!Оңтүстік өңірлерде қыс қаһарына мініп, республикалық маңызы бар жолдар жабылды. Жамбылда жойқын желдің салдарынан мыңнан аса көлік күре жолда қаңтарылып қалды.
Данияр Әлімқұл, тілші:
Кеше кешкісін «Батыс Еуропа - Батыс Қытай» автодәлізі арқылы жол жүру мүмкін болмады. Тараздан Шымкент шығатын және Алматыға апаратын бағыттар жабылып, мыңнан аса көлік қаңтарылып қалды. Оның 600-ге жуығы жүк көлігі, қалғаны жеңіл машиналар. Жуалы ауданының Шахан асуында қалып кеткен 14 тұрғын учаскелік инспекторлармен Көлтоған ауылына жеткізіліп, туыстарының үйіне орналастырылды. Одан бөлек қар құрсауында қалып кеткен 10-нан аса көлік патрульдік полицейлермен құтқарылды. 100-ден астам полиция қызметкері, қар құрсауында қалған жолаушыларға көмектесіп, кейбірін кері қайтарды. Жуалы ауданының Шахан асуында қалып қойған 14 тұрғын Көлтоған ауылына жеткізілді. Сақшылар қар құрасауынан 10-нан аса көлікті алып шықты. Түркістан облысынан Жамбыл бағытына да жол жабық. Әзірге қашан ашылатыны белгісіз.
Данияр Әлімқұл
