Жаңалықтарды Telegram арнамыздан оқыңыз!Маңғыстауда оқушылар жаппай астан уланған мектептің асхана меңгерушісіне қатысты іс сотқа жолданды.
Еске салайық, қыркүйектің алтысы күні Мұнайлы ауданы Бесшоқы ауылындағы 8-мектепте 460 оқушы астан ұшынып, ауруханаға түскен болатын. Абырой болғанда, балалар емделіп шықты. Ал тексерулердің нәтижесінде мектеп асханасынан ішек бактериялары анықталды. 12 қызметкерден стафилококк табылды. Ал ыдыс жуушы дизентериямен ауырған. Осы қылмыстық іс енді тергеліп болды. Асхананың меңгерушісі санитарлық ережелерді немесе гигиеналық нормативтерді бұзғаны үшін айыпталуда. Жеке кәсіпкер сот барысында ешқайда кетпеу жөнінде қолхатпен үйіне жіберілген.
Аягөз Оралбайқызы
