Маңғыстауда итбалықтар вирустан қырылған

Маңғыстауда итбалықтар вирустан қырылған. Бұл туралы Алматыдағы микробиология және вирусология ғылыми орталығының маманы айтты.

Еске салайық, былтыр күзде Маңғыстаудың Түпқараған және Қарақия аудандары аумағындағы теңіз жағалауынан екі мыңға жуық өлі итбалық табылды. Алматыдағы ғылыми орталықтың қызметкерлері молекулярлық-генетикалық талдау жүргізіп, жануарлардың миы мен өкпе тіндерінен жаңа вирустық жұқпалы ауру тапқан. Бұл теңіз сүт қоректілеріне тән вирус, дейді мамандар.

Айдын Қыдырманов, Микробиология және вирусология ғылыми-зерттеу орталығының вирустар экологиясы зертханасының меңгерушісі:

Сол сынаманың бәрінде вирус болды. Мида вирус кездесуі және өлген жануарлардың миында кездесетінін нейроинфекция дейді. Вирустық нейро инфекция. Ал енді мидан табылғаны бұл аурудың бірден бір себебі - вирус екенін дәлелдейді.

Аягөз Оралбайқызы