Бұрынғы вице-министр Ерлан Қожағапановтың ісі бойынша тергеу аяқталды

Мәдениет және спорт министрлігінің бұрынғы вице-министрі Ерлан Қожағапановқа қатысты тергеу аяқталды. Оған өзінің сыбайласымен 1 млрд теңгеден астам қаржы жымқырды деп айып тағылуда. Естеріңізге сала кетейік, экс вице-министдің ұсталғаны жөнінде ақпарат наурыз айында шықты. Тергеу 9 айға жуық уақыт жалғасты. Дау 6 жыл бұрын Петропавлда ұйымдастырылған көрме төңірегінде болған. Яғни, экс вице-министр коммерциялық ұйымның мүддесін қолдап, шараны өткізу қаражатының екі есеге дейін өсуіне жол берген деп күдікке ілінді. Салдарынан бюджет қаржысы негізсіз жұмсалған.

Данияр Бегайдаров, ҚР сыбайлас жемқорлыққа қарсы іс-қимыл агенттігінің ресми өкілі:

Агенттік Мәдениет және спорт министрлігінің бұрынғы вице-министрі және мердігер ұйым басшылығына қатысты ауыр қылмыс жасағаны бойынша тергеуді аяқтады. Олар қызметтік өкілеттіктерін асыра пайдаланды және 1 млрд теңгеден астам қаражатты жымқырды деп айыпталуда.

Самал Қабышева