Қызылорда іргесіндегі Баймұрат батыр ауылына табиғи газ берілді

Қызылорда қаласының іргесіндегі Баймұрат батыр ауылы табиғи газға қосылды. Жаңа жылда көгілдір отынға қол жеткізген елдімекен жұртшылығының бұл көптен күткен қуанышы.

Бүгінде шаһарға қарасты үлкен ауылдардың барлығы газ желісіне қосылып отыр. Аймаққа жұмыс сапарымен келген Сенат депутаты Руслан Рүстемов тұрғындардың қуанышына ортақтасып, игі жобаның іске асуына куә болды. Баймұрат батыр ауылы жылдан жылға халық саны өсіп келе жатқан елдімекендердің бірі. Көгілдір отынның келуімен тұрғындардың ең басты мәселесі шешімін тапты.

Шырынкүл Ізтілеуова, ауыл тұрғыны:

Қуаныштымыз. Еліміз, халқымыз, кішкентай балаларға дейін қуанып жатыр. Шанамен отын таситын едік. Қазір енді шүкір көгілдір отын келіп, соны жағып жатырмыз.

Әділбек Серікұлы