Сарапшылар ұшақ апатын тергеуге қатысты пікір білдірді

Ақтауда құлаған Әзербайжан ұшағына тиесілі қара жәшікті Бразилияға жіберу Қазақстанның байсалды позициясын көрсетеді. Сарапшылардың пайымы осы.

Жанат Момынқұлов, халықаралық сарапшы:

Менің ойымша, Қазақстан тарапы соңына дейін өзінің осындай байсалды позициясын көрсетіп, күтті. Президенттермен сөйлескеннен кейін халықаралық CENIPA тарапынан қарастырылатын болды. Осылай болғаны да дұрыс деп ойлаймын.

Жанерке Қойжігіт, саясаттанушы:

Қазір басты назарда тұрған мәселе апаттың тергеу жұмыстарын тиісті деңгейде жүргізу болып отыр. Қара жәшіктің Бразилияға жіберілуі де осы Қазақстанның бейтарап және адал тергеу жұмыстарын қамтамасыз етудегі бір шешімі деуге болады.

Темірлан Нұрсолтан