Azerbaijan Airlines Ресейдің бірнеше қаласына ұшуды уақытша тоқтатты

Azerbaijan Airlines компаниясы Ресейдің 10 қаласына ұшақ сапарларын уақытша тоқтатты. Олардың арасында Сочи, Минеральные Воды, Волгоград, Уфа, Самара, Грозный, Махачкала қалалары бар. Бұл туралы әуе компаниясының баспасөз қызметі хабарлады.

Azerbaijan Airlines бұл бағыттарға әуе рейстерін апатқа қатысты тергеу аяқталғанға дейін аттандырмайды. Ұшақ рейстері аталған қалаларға желтоқсанның 28-нен бастап 2025 жылдың 27-қаңтарына дейін доғарылды.

Еліміздің Qazaq Air әуе компаниясы да, осы уақыт аралығында Астана-Екатеринбург бағыты бойынша ұшақ рейстерін тоқтаттты. Израильдің El Al компаниясы да кеше Мәскеуге ұшақ сапарын доғарған еді.

Арай Төлегенқызы