Балет әртістеріне арналған оңалту орталығы ашылды

Елімізде алғаш рет театрда оңалту орталығы ашылды. Енді «Астана Опера» театрының әртістері сауықтыру кешенінде тегін ем алады.
Балет бишілерінің айтуынша, қойылым барысында ауырсыну, дене жарақаттарына жиі ұшырайды. Кемі жарты жыл ем алған кездері болыпты. Мұндай келеңсіздіктердің алдын алу үшін оңалту орталығы жақсы мүмкіндік болмақ.

Айта кетейік, оңалту орталығында физиотерапиялық процедуралардың толық кешені бар. Толықтай автоматтандырылған, сенсормен басқарылады және соңғы буын технологияларымен жабдықталған.

Сұлтанбек Ғұмар, «Астана опера» мемлекеттік опера және балет театрының солисі:

Жұмысымызға байланысты денемізге келетін зақымдар көп. Сондықтан осы орталықтың ашылуы өте ыңғайлы.  Жұмысымыз  өте тығыз сол себепті жақын жерде орналасқаны жақсы, барып-келуден қаржы үнемдейміз.

Аида Ахметбек