Жаңалықтарды Telegram арнамыздан оқыңыз!Наурызбай қажы Тағанұлы Қазақстан мұсылмандары діни басқармасының Төрағасы, Бас мүфти лауазымына қайта сайланды. Бұл Астанада өткен Қазақстан мұсылмандарының Х Құрылтайында белгілі болды. Шараға қатысқан 300-ге жуық делегат Наурызбай Өтпеновтың кандидатурасын бірауыздан қолдап, дауыс берді. Наурызбай қажы Тағанұлы осы лауазымға екінші рет сайланып отыр. Ол бұл қызметке 2020 жылдың 7 ақпанында келді. Еліміздің бас мүфтиі жамағаттың сенімін абыроймен атқаруға барын салатынын жеткізді. Сондай-ақ, келесі жылы Қазақстан мұсылмандары діни басқармасының дербес мүфтият болып құрылғанына 35 жыл толуына байланысты көптеген игі істер қолға алынады, деді.
Наурызбай Қажы Тағанұлы, ҚМДБ төрағасы, Бас Мүфти:
Үлкен аманат және жауапкершілігі жоғары қызмет. Алдағы біздің үлкен мән беріп отырған қызметіміз аясында біздің ниетіміз келесі 2025 жылды «Ислам және отбасы құндылығы жылы» деп жарияламақшымыз. Қазір өкінішке қарай, отбасының ажырасу мәселесі көп біздің қоғамда. Осы бағыттарда біз жұмысымызды белсенді жүргізуге тырысамыз.
Асылбек Данияр
