Алматыда 160 орындық балабақша қолданысқа берілді

Алматыда жаңа балабақша ашылды. Екі қабатты ғимаратта 8 топ, яғни 160 бала тәрбиеленетін болады. Мұнда ойын бөлмелері, асхана, медбике бөлмесі және үйірме залдары бар. Мемлекет меншігіндегі балабақшаның бағасы да қолжетімді. Ата-аналар ай сайын әр балаға 25 мың теңгеден төлейді.

Айта кету керек, Алматыда мектепке дейінгі білім ошақтарымен қамту әлі күнге дейін өзекті. Қазірдің өзінде қала бойынша 2 мен 6 жас аралығында 40 мыңнан аса бала балабақша кезегінде тұр.

Әлия Сағиева, қалалық Білім басқармасының бөлім басшысы:

Бұл ғимарттың салынуы екі жыл бұрын басталды. Қазір іске қосылып жатыр. Балалар осы жерде жүргенде де ойнай алады. Балалар математика, тіл дамытуды ойын арқылы жүргізіледі. Осы балабақша сол бағдарламамен жұмыс істейді. 2025 жылы біз 5-6 балабақшаның ашылуын күтіп отырмыз.

Айдана Қуантхан