Премьер-министр әуе қауіпсіздігін күшейтуді тапсырды

Үкімет басшысы Олжас Бектенов Ақтаудағы ұшақ апаты маңында атқарылған жұмыстар туралы Үкіметтік комиссияның есебін тыңдады. Премьер-министр болған қайғылы жағдай бізге де ұшу қауіпсіздігі бойынша тиісті шараларды қабылдау керектігін білдіреді, сондықтан жоспардан тыс ревизия өткізіп, ұшақтардың техникалық жағдайын ерекше бақылауға алу қажет деді.

Ресми дерек бойынша, апат орнында қазір құтқару, іздеу жұмыстары аяқталды. Отандық мамандар Әзербайжан Үкіметімен бірлесіп жұмыс істеп жатыр. Ертең Бразилияның авиациялық билігі мен Embraer 190 компаниясы өкілі келеді. Түпқараған ауданында жергілікті техногендік сипаттағы төтенше жағдай режимі жарияланды.

Аида Ахметбек