Фариза Оңғарсынованың дүниеге келгеніне 85 жыл

Бүгін – қазақ поэзиясының шамшырағы, ақын Фариза Оңғарсынованың туғанына 85 жыл. Айтулы датаға орай жазушының басылым беттерінде бұрын-соңды жарияланбаған қол жазбалары Ұлттық мұрағатқа табысталды. Ақынның ұлы Алмас Оңғарсыновтың айтуынша, анасы ішкі толқыныстарын, көңіл күйін, кездесулерден алған әсерлерін қағаз беттеріне түсіріп отырған. Сондықтан архивке өткізілген бұл құнды материалдардың маңызы зор.

Шарада еліміздің мәдениет және ақпарат министрі Аида Балаева Фариза Оңғарсынова туралы естеліктерімен бөлісті. Жиында ақынның поэзиялық шығармалары жинақталған кітаптың тұсаукесері өтті. Туынды мәдениет және ақпарат министрлігінің қолдауымен 3 мың дана болып жарыққа шықпақ.

Алмас Оңғарсынов, Фариза Оңғарсынованың ұлы:

Ол 60, 70, 80, 90 жылдары жазылған қолжазбалар бар. Көз жұмғанға дейін жазған қағаздарының бәрін біз үйде сақтап отырдық. Қолжазбада қаншама жыл 3-32 қара сөздеріне дейін, көңілі көрсетілген сәті, біреумен кездесуден алған әсері бар. Оны іздеушілер осында келіп, танысуға болады.

Аида Ахметбек