Жаңалықтарды Telegram арнамыздан оқыңыз!Елімізде тоз-тозы шыққан коммуналдық желілер жөнделеді. 86 мың шақырымы қайта жаңғыртылмақ. Бұл жөнінде бүгін Үкіметте Олжас Бектеновтың төрағалығымен өткен кеңесте мәлім болды. Күн тәртібіне «Энергетикалық және коммуналдық секторларды жаңғырту» ұлттық жобасы шығарылды. Электр, су, жылу жабдықтары жөнделеді. 2029 жылға дейін бұл мақсаттарға 6,8 трлн теңге бағытталады. Қаржы жұмсалуының ашықтығын қамтамасыз ету үшін цифрлық теңге пайдаланылмақ. Ұлттық жобада импортқа тәуелділікті төмендету және жаңа жұмыс орындарын ашу үшін отандық өнеркәсіпті қолдауға ерекше назар аударылды. Кеңес қорытындысы бойынша Энергетикалық және коммуналдық секторларды жаңғырту жөніндегі ұлттық жоба тәсілдері мақұлданды.
Самал Қабышева
