Израиль тұрғындары үкіметтің отставкаға кетуін талап етті

Тель-Авив көшелеріне шыққан жүздеген адам премьер-министр Биньямин Нетаньяхудың үкіметін отставкаға кетіруді талап етті. Демонстранттар қолына баннерлер, елдің туын ұстап шығып, түрлі ұрандар тастады. "Хамас"-тың кепіліндегі азаматтардың босатылуын талап еткен. Наразы топ Нетаньяху үкіметі кетіп, азаматтарға қамқор бола алатын жаңа үкіметтің құрылуын қалайтынын білдірді.

Ал екі апта бұрын Израиль премьері сыбайлас жемқорлық ісі бойынша сот алдында қайта жауап бере бастады. "Рейтер"-дің мәліметіне сай, жыл аяқталғанға дейін Нетаньяху "Хамас"-пен Газа секторында атысты тоқтату және кепілдегілерді босату туралы келісім жасауы мүмкін.

Арай Төлегенқызы