Жаңалықтарды Telegram арнамыздан оқыңыз!Жаңа жыл қарсаңында талдықорғандық 37 отбасы жаңа баспанаға ие болды. Пәтер кілттері тұрғын үй кезегінде тұрған азаматтарға берілді. Олардың қатарында 1 және 2-топтағы мүгедектігі бар жандар, толық емес отбасылар, көпбалалы аналар, мүмкіндігі шектеулі бала тәрбиелеп отырған шаңырақтар мен Ұлы Отан соғысы ардагерлеріне теңестірілген жандар бар. Былтыр облыс орталығында 1400-ге жуық пәтер пайдалануға берілсе, биыл 1300 отбасы қоныс тойын тойлады. Ал келер жылы тағы 1700 баспана кезекте тұрғандарға беріледі деп жоспарланған.
Бекзат Дүйсенбина, қала тұрғыны:
15 жыл кезекте тұрып қызымыз Ақеркенің баспанасын алып жатырмыз. Сондай жақсы сезімде тұрмыз. Барша баспана алып жатқан қауымға құтты болсын, қайырлы баспана болсын дегім келеді. Бес баламмен жаңа жылды Алла бұйыртса жаңа пәтерде қарсы алуды нәсіп етіп отыр.
Қуаныш Қанатұлы
