Сирияда 30-дан астам қазақстан азаматы бар

Сирияда 33 Қазақстан азаматы қалды. Қазір аталған мемлекеттегі елшіміз олармен ұдайы байланыста. Бүгін Сенат отырысына қатысқан Сыртқы істер минисрінің орынбасары - Әлібек Бақаев осылай деді.

Вице-министрдің сөзінше, Сирияда тұратын отандастарымыздың басым бөлігі сол елдің азаматтарына тұрмысқа шығып, тұрақтап қалған әйел кісілер. Қазір жерлестеріміздің қауіпсіздігі жіті бақылауда. Дегенмен, қажеттілік туындаса кез келген уақытта елге қайтаруға әзірміз деді,-Әлібек Бақаев.

Әлібек Бақаев – ҚР Сыртқы істер министрінің орынбасары

Көбі әйел кісілер. Сирия азаматтарына тұрмысқа шыққан, сол жерде балалары туған. Төңкеріс басталған кезде біздің консулымыз байланысқа шығып, қаласыз ба, қайтасыз ба деп сұрақ қойған. Бүгінгі таңда Сирия болсын, жалпы Таяу Шығыстағы азаматарымызбен біз байланыстамыз. Қайтам деген азаматтарға біз қолымыздан келгенше көмек көрсетеміз. 

Еске саламыз, Таяу Шығыста болып жатқан саяси шиелінстерге байланысты былтыр және биыл Газа секторынан және Ливаннан 200-ге жуық азамат елге қайтарылған еді.

Дәуренбек Әбдібек