Павлодар облысында баспанаға мұқтаж 24 отбасы жаңа пәтер алды

Облыс орталықтары ғана емес, шалғай елдімекен тұрғындары да баспаналы болып жатыр. Павлодар облысы, Ақтоғай ауданы орталығында екі қабатты 24 пәтерлік тұрғын үй пайдалануға берілді. Қаржы республикалық бюджеттен «Мұқтаж жандарды баспанамен қамту» ұлттық бағдарламасы бойынша бөлінген. Жаңа үйлер заманауи талаптарға сай салынады. Бір сөзбен айтқанда қаладағыдай жайлы. Жылу, ыстық су, ауыз су бәрі орталықтандырылған.

Жұлдыз Әбділмәлікова, Ақтоғай ауданының тұрғыны:

Пәтер өте ұнады, балаларымның қуанышында шек жоқ. Үлкен екі балам студент, кенже ұлым енді мектепке жақын жерде оқиды.Бұрын ескі үйде тұрдық. Салыстыруға мүлдем келмейді. Жаңа жыл қарсаңында жайлы өмір бастаймыз деген үлкен үмітім бар.

Болат Аманбаев