Қостанай облысында ауылдық жерде 15 медицина мекемесі ашылды

Қостанай облысында 15 ауылда жаңадан салынған медицина мекемесі пайдалануға берілді. Олардың 14-і фельдшерлік-акушерлік пункт болса, біреуі дәрігерлік амбулатория. Заман талабына сай жабдықталған жаңа ғимартаттар ауыл тұрғындарына сапалы медициналық қызмет көрсетуге мүмкіндік береді. Бұрын процедуралардың басым бөлігі аудан орталығында ғана қолжетімді болса, енді жергілікті жерде алуға мүмкіндік бар. Былтыр Президент тапсырмасына сәйкес, облыс бойынша 25 ауылдық медицина мекемесінің құрлысы басталған. Бір жыл ішінде соның жартысынан астамы толық салынып ел игілігіне берілді.

Аманжол Рахымбай, фельдшер:

Мұнда барлығы бар. Қаладағыдай барлық шарттар мен жылы су да бар. Кабинет те жеткілікті барлығымызға. Бұрын бізде ескі, тар болды және жеке кабинеттер болмады. УЗИ кабинет бар мұнда.

Дәуренбек Әбдібек