Ақтөбе облысы көкөністерін қысқа дайындап қойды

Ақтөбеліктерден тұрақтандыру қорындағы картоптың сапасына қатысты сын көп. Мұндай жағдай былтыр жиі тіркелген. Сондықтан бүгін жауаптылар қоймаларға барып, азық-түліктің жай-күйін көрді. Биыл жергілікті шаруалардан 400 тонна жуа, 4 мың 800 тонна картоп және 384 тонна сәбіз сатып алынды. «Ақтөбе» әлеуметтік кәсіпкерлік корпорациясы өкілдерінің айтуынша, көкөністердің сапасы жақсы. Алдымен бұл өнімдер ірі сауда желілерінің қоймаларына барады, дүкен сөрелеріне сол жақтан жіберіледі. Осы екі ортада таза картопты сапасыз өнімге алмастыру деректері болуы мүмкін деген күдік бар. Қазір жауаптылар мәселенің шешу жолдарын қарастырып жатыр.

Ерлан Нүркеев, «Ақтөбе» ӘКК азық-түлікпен қамтамасыз ету Департаментінің директоры:

Картоп 116 теңгеден сатылады, сәбіз 110 теңгеден, қырыққабат 103 теңгеден сатылады. Шірік болған жағдайда сатушылар алмастырады.

Жақсыбек Кемал