Жаңалықтарды Telegram арнамыздан оқыңыз!Бүгін Астанада «Тәуелсіздік ұрпақтары» гранттар байқауының жеңімпаздары мен «Дарын» мемлекеттік жастар сыйлығының лауреаттары марапатталды.
Жобалары үздік деп танылған 30 отандасымыз «Тәуелсіздік ұрпақтары» грантының иегерлері атанды. Биыл байқауға 1284 өтініш келіп түскен. Оның ішінде 897-сі қабылданған. Олар мәдениет, ғылым, БАҚ, ақпараттық технологиялар, волонтерлік және бизнес салаларындағы бастамаларымен ерекшеленді. Сондай-ақ, «Дарын» мемлекеттік жастар сыйлығының лауреаттары марапатталды. Қазылар алқасы оларды 10 номинация бойынша таңдаған.
Айта кетейік, бұл сыйлық түрлі саладағы жетістіктер үшін жастарды қолдау мақсатында беріледі.
Уәлихан Қосанбай, «Qazaqstan» және «Qazsport» телеарналарының спорт комментаторы:
«Дарын» сыйлығына биыл бірінші мәрте ұсынылдым және бірінші мәрте жеңіп отырмын. Атмосферасы керемет. Жеңімпаздардың барлығы қуанышты. Енді бұл мотивация ғой қанша дегенмен. Қуаныштымын, бұл сыйлыққа мені ұсынған Қазақстан РТРК басшысына, «Qazsport» арнасының басшыларына алғысымды айтқым келеді.
Темірлан Нұрсолтан
