Мектепте ас мәзірін нормаға сәйкес әзірлемегендер жазаланды

Мектепте нормаға сәйкес ас мәзірін әзірлемегендер жазаланды. Бұл туралы Оқу-ағарту министрлігінің баспасөз қызметі хабарлады. Ведомство өкілдерінің мәліметінше, тексеріс жұмыстары 25 білім бөлімінде және бірқатар өңірдің 8 білім басқармасында жүргізілген.

Нәтижесінде 15 лауазымды тұлғаға сот шешімі бойынша әкімшілік айыппұл салынды, 65 тұлға тәртіптік жауапкершілікке тартылды. Айта кетейік, биылдан бастап «Бала құқықтары туралы» Заңының 52-ші бабының 1-ші және 2-ші тармағы күшіне енген еді. Бұл өзгерістер балалардың құқықтарын қорғау саласындағы құқықбұзушылық фактілерін анықтауға бағытталған.  

Аида Ахметбек