ШҚО-да оқушылар онлайн оқуға көшті

Шығыста аяз күшейді. Солтүстік аудандарда өткен түнде 32-34 градусқа дейін төмендеді. Сондықтан бүгін Риддер қаласындағы бастауыш сынып оқушылары сабақты онлайн оқып жатыр.

Ал Алтай ауданында төрт мектепте, Самар ауданында Аққала ауылының балалары да қашықтан оқуға көшті. Соңғы екі тәулікте аймақта қалың қар жауса, енді аяз күшіне мінді. Ауа райын болжау орталығының мамандары аптаның соңына дейін аяз болатынын хабарлады. Ал аймақта барлық бағыт бойынша автокөлік жолдары ашық.

Олжас Керейхан