Жаңалықтарды Telegram арнамыздан оқыңыз!Заңсыз активтер есебінен мемлекет кірісіне жыл басынан бері 900 млрд теңге аударылды. Бұл туралы арнайы комиссия мүшелерінің қатысуымен өткен қоғамдық талқылауда мәлім болды. Қайтарылған қаражатқа бірқатар әлеуметтік нысандардың құрылысы басталған. Оңалту орталықтары мен спорттық кешендер және мектептер салынып жатыр. Әр аймақта қажеттілік алуан түрлі. Сондықтан да бүгінгі басқосуда комиссия мүшелері өңірдегі өкілдермен бірге қоғамдық талқылау өткізіп, ойларын ортаға салды.
Нұрдәулет Сүйіндіков, ҚР Бас прокуратурасы активтерді қайтару жөніндегі комитетінің төрағасы:
87 млрд теңгеге жуық сомаға активтер заттай берілді. Оның ішінде жылжымайтын мүлігі бар, оқта-текте елді қызықтырып жүрген әшекей бұйымдар бар. Брендтік аксессуарлар бар. Оның бәрі сол басқарушы компанияға өткізілген.
Қаракөз Тұрмағанбет
