Отандық бидайға шетелдік шаруалар қызығушылық танытты

Шығыс Қазақстан облысында өндірілген күздік бидайдың «Алтай 1» деп аталатын жаңа сортына шетел шаруалары қызығып отыр. Сапа патентін алған тұқым түрі бүгін отандық және Еуразиялық экономикалық одаққа мүше мемлекеттер шаруаларының қатысуымен өткен сортты тұқымдар көрмесінде таныстырылды. Онда өзге елдердің және өз өңірлеріміздегі үздік тұқым түрлері де көрсетілді.

Еске салайық, Мемлекет басшысы отандық тұқым сорттарының үлесін 80 пайызға, сапалы тұқым түрлерін 15 пайызға жеткізу туралы тапсырма берді.

Кенжеғазы Тоқтасынов, ШҚО Ауыл шаруашылық тәжірибелік станциясының басқарма төрағасы:

Негізгі мақсатымыз – тұқым шаруашылығын келіп жатқан адамдарға көрсетіп, солармен қарым-қатынас орнату. Және де тағы бір жоспарымыз – басқа да шетелдік ірі компаниялармен меморандумға отырып, бірігіп жұмыс істеу.

Серік Жұмабек