Петропавлда «ЗИКСТО» зауытының 4 700 акционері құнды қағаздарынан айрылып қалды

28 жыл бұрын кәсіпорынды жекешелендіру кезінде зейнетке шыққан жұмысшыларға компанияның акциялары таратылған. Оларға 2017-ші жылға дейін девидент төленіп келген. Алайда жуырда акция иелері құнды қағаздан айрылып қалғанын білген.

Рафаэль Хасанов, зейнеткер:

86 акция бар бізде. Жылда мында келіп, көп болмаса да ақша алдық кассадан девидентті. Сөз де болмады «сатам, алам» деген, хабар да болмады.

Бір акция 16 теңгеге бағаланыпты. Кәсіпорын өкілдері бұрынғы иелерінің шотына тиісті сома аударылғанын жеткізді. Зауыт басшылығының әрекетімен келіспеген көпшілік құзырлы органдарға арызданды. Нысан теміржол вагондарын шығарумен айналысады.

Игорь Соловьев, зауыт өкілі:

Сауда заңға сәйкес жүргізілді. Құнды қағаздардың басым бөлігін иеленіп отырған акционерлер осындай шешім қабылдады. Ақпаратты орталық депозитарийде дер кезінде жарияладық. Акцияны арнайы лицензиясы бар тәуелсіз компания бағалады.

Эльмира Кәленова