Шымкентте жылуға бөлінген 1,1 млрд теңгені жымқырған

Шымкент қаласының лауазымды қызметкерлері мен энергетик мамандары қазынаның миллиардтаған қаржысын жымқырып, олжаға кенелген. Жауаптылар жылу жүйелері мен электр желілерін ауыстыру үшін бөлінген қаржыға ешқандай жұмыс атқармастан барлығын өздері иемденген. Тергеу барысында олардың Астанада сатып алған 2 пәтер, 1 көлік тұрағы, Шымкентте 3 жеке үй және банк шоттарында тыйым салынған 50 млн теңге табылды. Күдіктілерден осылайша, 358 миллион теңгенің жылжымайтын мүлкі тәркіленді. Ұйымдасқан топ алдын ала сөз байласқан компаниялар арқылы қаржына қолма-қол ақшаға ауыстырып алған. Осы іске қатысы бар 7 лауазымды тұлға 2 жылдан 7,5 жылға дейін бас бостандығынан айырылды.

Ғани Қалмаханов