Алматының 4 мың метрлік тауына шығам деген жасөспірім құлап кеткен

Алматы тауларына шыққан жасөспірім абайсызда құлап кетті. Жасөспірімдер демалыста 4 мың метр биікте орналасқан Хрищатый шыңына беттеген. Олардың бірі құлап кеткенде, қасындағы достары дереу жедел жәрдем шақырған. Оқиға орнына құтқарушылар барып, ауыр жарақат алған жеткіншекті Шымбұлақ бекетіне түсірді. Дәрігерлер алғашқы медициналық көмек көрсетті. Қазір оқиғаның мән-жайы анықталып жатыр. Құтқарушылар тауға шыққан үшеудің де жасы кәмелетке толмағанын айтты. Осы ретте төтенше жағдайлар Департаменті таудағы қауіпсіздік ережелерін қатаң сақтауға шақырады. Адасқанда немесе оқыс жағдайға тап болғанда, ең алдымен тәулік бойы жұмыс істейтін 112 нөміріне хабарласып, көмекке жүгіну қажет. 

Айдана Қуантхан