Жаңалықтарды Telegram арнамыздан оқыңыз!Маңғыстауда жергілікті шикізатпен өнім өндіретін жеті кәсіпкер 5 миллион теңгеден грант ұтты.
Іскер тұрғындар «Бір ауыл - бір өнім» жобасы аясында тәжірибе жинап, ауыл шаруашылық, өнеркәсіп және қолөнер салаларында кәсібін дөңгелете бастаған. Енді олар бұл қаражатқа қажетті қондырғылар алады. «Бір ауыл - бір өнім» жобасы 2022 жылдан бастап Ақмола, Қостанай, Батыс Қазақстан және Маңғыстау облысында пилоттық жоба ретінде басталды. Бүгінде барлық өңірде бар. Маңғыстауда аталған жобаға - 100 млн теңге бөлінді.
Шаттық Дүйсенбаева, Сарға ауылының тұрғыны:
Текемет басуда жүнді жуып-тазалап, сабаумен сабауы біраз уақыт алады. Сондықтан осы жеңген грантқа сол жүнді түтетін аппарат алуды ойлап отырмын. Сосын соны пайдаланған жағдайда уақытымызды үнемдеп, істі тез аяқтау үшін қолданамыз.
Аягөз Оралбайқызы
