Астанада бала құқықтарын қорғау мәселелері талқыланды

Бүгін елордада бала мүддесін қорғаудағы кедергілерді жою жолдары талқыланды. Оған Сенат төрағасы, ЮНИСЕФ өкілі, бала құқықтары жөніндегі уәкіл мен оқу-ағарту министрі және басқа да сарапшылар қатысты. Жиын Қазақстанның Біріккен Ұлттар Ұйымының бала құқықтары туралы конвенциясын ратификациялағанына 30 жыл толуына арналды.

Мәулен Әшімбаев, ҚР Парламенті Сенатының төрағасы:

Елімізде балаларды қорғауға конституциямен кепілдік берілген. Мемлекет басшысы, Қасым-Жомарт Кемелұлы Тоқаев балалардың қауіпсіздігі мен құқықтарын қорғау, олардың жан-жақты дамуын қамтамасыз ету мәселелеріне үнемі аса мән беріп келе жатқанын өздеріңіз де жақсы білесіздер. Сондықтан бұл сала еліміз үшін әрдайым басты назарда. Алдағы уақытта біз ЮНИСЕФ-пен жан-жақты өзара іс-қимылымызды одан әрі арттыра түсуге дайынбыз.

Рашед Мұстафа Сарвар, Қазақстандағы UNICEF өкілі:

Балаларды онлайн және офлайн төнетін қауіптен қорғау туралы тоқталып өтеміз. Сондай-ақ, балалардың үйде, мектепте және жалпы киберкеңістікте қорғаудың құқықтық негіздерін одан әрі нығайтудың шешімдерін табамыз.

Темірлан Нұрсолтанов