Жаңалықтарды Telegram арнамыздан оқыңыз!Ұлттық банк базалық мөлшерлемені 15,25%-ға көтерді. Бұған Қазақстандағы жылдық инфляцияның қазан айында 8,5%-ға дейін өсуі себеп болған. Ал инфляцияға «Тарифті инвестицияға айырбастау» бағдарламасын іске асыру аясында реттелетін қызметтердің айтарлықтай қымбаттауы және теңгенің әлсіреуі әсер еткен. Алдағы бір жылда инфляция деңгейі 12,5% болады деп болжанады.
Тимур Сүлейменов, Ұлттық банк төрағасы:
Ішкі және сыртқы факторлардың әсерінен бағаның өсу қарқыны артты. Қазан айында жылдық инфляция ұзақ уақыт баяулағаннан кейін 8,5% дейін қайта көтерілді. Қыркүйекте ол 8,3% болған еді. Инфляцияның көтерілуіне ақылы қызметтер бағасы да әсер етіп отыр. Қазан айында бағаның бір айдағы өсу қарқыны 0,9% жетті. Бұл экономикадағы проинфляциялық қысымды және инфляциялық үрдістердің тұрақсыздығын білдіреді.
Серік Жұмабек
