Петропавл қаласына – 265 жыл

Теріскей тұрғындары мен қонақтары Петропавл қаласының 265 жылдығын тойлады. Қала күнінде шаһардың бірнеше шағын ауданында мерекелік шаралар ұйымдастырылып, эстрада жұлдыздары ән шырқады. Салтанатты шара киелі Қызылжар жеріне қоныстанған алғашқы қазақтар жайлы театрландырылған көріністен бастау алып, 265 жылдық тарихы бар Петропавлдың осы күнге дейінгі өмірі сахналанды. Ал, орталық алаңда әлем халықтарының асханасында дайындалатын тағамдар фестивалі ұйымдастырылды. Сондай-ақ, көше бойында «Ескі қала бейнелері» тарихи кварталы бой көтеріп, жұртшылық 19 ғасырдағы қазақ саудагерлері мен орыс көпестерін сомдады.