Жаңалықтарды Telegram арнамыздан оқыңыз!Қазір соғым маусымының ең қызып тұрған кезі. Халық етті базардан, танысынан, қолы жеткені арнайы тапсырыспен алып жатады. Алайда, соңғы жылдары соғымды әлеуметтік желі арқылы сату үрдіске айналған. Яғни, міне мынадай жекелеген уатсап топтарда ет сататындар көбейген. Тұрғындар соятын соғымын тексеріп ала ма?
Қалай десек те, малдың еті қайдан келді, қайда сойылды, жалпы сойылды ма, бас қатыратындар аз. Себебі онлайн саудада/ баға базардан төмен. Алайда, мамандар халықты сақтыққа шақырады. Себебі еттің сапасы санитарлық талаптарға сай емес, тіпті өлген немесе ауру жұқтырған малдың еті де болуы мүмкін дейді. Ал, әлеуметтік желіде сауда жасайтындар қалай қадағалануы тиіс? Соғымның онлайн саудасына тыйым бар ма? Заңгерге сауал жолдаған едік...
Абзал Бекбосынов, заңгер:
ҚР ДСМ нормативті заңдары бар. Нормативті заңдар бойынша мал бекітілген орындарда сойылуы тиіс. Сол өңімді базар сауда орындарында сатылуы керек. Ал мынау ет өнімдерін сатып жатқан адамдар қылмыстары дәлелденсе әкімшілік жазаға, ал ұрланған малдың еті сатылса қылмыстық жазаға тартылады.
Ал ауылшаруашылығы министрлігі ет өнімдерін күнделікті бақылау тек базарлар мен дүкендерде ғана жүргізілетінін айтып отыр. Сондықтан ет аларда абай болып, ветеринарлық белгі барына көз жеткізіп алған дұрыс.
Аида Ахметбек
