Жаңалықтарды Telegram арнамыздан оқыңыз!Батыс Қазақстан облысы Казталов ауданында ер адамнан сібір жарасы анықталды. Қошанкөл ауылының тұрғыны мал сойған кезде тері арқылы ауру қоздырғышын жұқтырып алған. Қазір науқас қалада ем алып жатыр. Дәрігерлердің айтуынша, жағдайы бірқалыпты. Эпизоотиялық ошақ залалсыздандырылып, дезинфекциялық іс-шаралар жасалған. Мамандардың айтуынша, науқас айналасына қауіпті емес. Өйткені сібір жарасы тек ауру малдан жұғады. Облыста мұндай жағдай соңғы рет он жыл бұрын Жәнібек ауданында тіркелген.
Нұрлыбек Мұстаев, облыстық санитяариялық-эпидемиологиялық бақылау Департаменті басшысының орынбасары:
Нақты диагноз қойылғаннан бастап, медицина, ветеринария қызметкерлерімен бірлесіп, толық эпидемияға қарсы бірлескен шаралар жүргізілген болатын. Науқаспен қарым-қатынаста болған азаматтар анықталып, барлығы да медициналық бақылауда, антибиотик терапия жүргізілді. Қазір науқас облыстық жұқпалы аурулар ауруханасында толығымен ем алуда.
Ардақ Мұратқызы
