Жаңалықтарды Telegram арнамыздан оқыңыз!Ақтауда теңіз жаяу әскеріне 700-ден астам сарбаз қабылданды. Алматы, Абай, Ұлытау, Павлодар, шығыс Қазақстан және Маңғыстау өңірінен шақыртылған жастар Отанды қорғауға ант беріп, жауынгерлік міндеттеріне кірісті. Енді олар Ақтау қаласы мен Бейнеу ауылындағы әскери бөлімдерде мерзімді қызмет атқарады. Бір айлық арнайы дайындықтан өткен сарбаздар теңіз бригадасы, материалдық-техникалық қамтамасыз ету базасы, барлау полкіне бөлінді. Ант беру рәсіміне келген олардың ата-аналары қару-жарақ көрмесін көріп, әскери бөлім басшыларымен еркін форматта кездесті.
Алмас Дәулетбек, гвардия жауынгері:
Ант беру өте жоғары деңгейде өтті. Мен және менің қарулас достарым бұл іс-шараға белсене атсалысып, Отан алдындағы міндетін, Қазақстан Республикасын қорғауға деген жеке жауапкершілігін сезінді. Әскер ер-азаматтың үлкен міндетін шыңдайтын жоғары оқу орны деп қабылдауға болады.
Аягөз Оралбайқызы
