Басты Жаңалықтар Талдықорған-Үшарал магистральдық газ құбырының құрылысы қарқынды жалғасып жатыр

Талдықорған-Үшарал магистральдық газ құбырының құрылысы қарқынды жалғасып жатыр

25.11.2024 19:45

Жетісу облысында Талдықорған-Үшарал магистральдық газ құбырының құрылысы қарқынды жалғасып жатыр. Президент тапсырмасымен «QazaqGaz» ұлттық компаниясы қолға алған жоба жүзеге асса, 3 аудан халқы көгілдір отынға қол жеткізіп, өңірдің әлеуметтік-экономикалық дамуына тың серпін бермек. Мердігер мекеме тамыз айынан бері тоқтаусыз жұмыс істеп, құбырдың үштен бір бөлігін дәнекерлеп қойды.

130-ға жуық адам, 90 техника қарашаның қара суығына қарамастан екі ауысымда жұмыс істеп, 105 шақырым құбыр тартып үлгерді. Талдықорғаннан Үшарал қаласына дейін 6 автоматтандырылған газ тарату станциясы салынады. Тәжірибиесі мол мамандардың үйлесімді жұмысының арқасында қазірдің өзінде жұмысшылар кестеден озып келеді.

Меделхан Мырзаханов, бас инженер:

Мердігер компания толықтай материалдармен қамтамасыз етілген. Құбырлар барлығы келіп жатыр.

Құрылыс жұмыстары қатаң бақылауда. Жергілікті билік те жұмыстың сапалы жүруіне айырықша мән беріп отыр. Жетісу облысы әкімінің орынбасары Әсет Қанағатов және «Интергаз Орталық Азия» АҚ Бас директоры Манас Тасыбаев «Талдықорған-Үшарал» магистральдық газ құбырының құрылыс барысымен арнайы танысты.

Әсет Қанағатов, Жетісу облысы әкімінің орынбасары:

Кестеге сәйкес 2026 жылдың аяғына дейін аяқталу мерзімі осындай болған. Біз жоспарды бір жыл бұрын аяқтау деп жоспарлап отырмыз. Осы нысан аяқталғаннан кейін Ақсу, Сарқан, Алакөл аудандарындағы 66 елдімекен көгілдір отынға қол жеткізетін болады.

Жұмысшылардың бір бөлігі құбырға шұңқыр қазып, көштің алдында келе жатса, енді бір топ дәнекерленген құбырды шұңқырға түсіріп, көміп келеді.

Қуаныш Қанатұлы

Автор

Қуаныш Қанатұлы

Бөлісу