Президент Қорғаныс министрін қабылдады

Президент Қорғаныс министрін қабылдады. Руслан Жақсылықов бөлімшелердің жауынгерлік дайындығы мен қарулы күштер қатарына күзгі шақыру науқанының нәтижесі туралы баяндады. Сондай-ақ әскердегі тәртіп пен қауіпсіздікті нығайту, әскери қызметшілердің әлеуметтік мәртебесі мен жалақысын арттыру жайы да талқыланды. Әскери базалар қару-жарақ пен техниканың жаңа үлгілерімен толығып жатыр.

Мемлекет басшысы еліміздің бітімгерлік контингентінің Біріккен Ұлттар Ұйымы аясында Голан жоталарында атқарып жатқан қызметі маңызды екенін атап өтті.

Отандық қорғаныс кәсіпорындарымен өзара ықпалдастықты жандандыру, аумақтық қорғаныс пен арнайы операция күштерін дамыту, әлеуметтік-құқықтық жұмысты күшейту жөнінде міндеттер жүктеді.

Асылбек Данияр