Ваучерлік қаржыландыру жүйесінің арқасында балабақшаға кезек азайған

Мектепке дейінгі ұйымдарда ваучерлік қаржыландыру жүйесі енгізіледі. Үкіметте білім беру, денсаулық сақтау, салық және кеден салаларында цифрлық технологияларды енгізу мәселелер талқыланды. Премьер-министрдің орынбасары Тамара Дүйсенованың айтуынша, Тараз, Шымкент және Түркістан қаласының балабақшаларында жоба пилоттық режимде жүзеге асқан. Мәселен Түркістанда 2 аптада 740 ваучер беріліп, балабақшаларға кезек азайған. Жалпы бұл жоба бойынша қаржы ұйымдар арасында бөлінбейді. Ата-аналардың арнайы шоттарына ғана аударылмақ. Өз кезегінде олар баласын қай балабақшаға беруді өздері таңдайды.

Асқар Ибраимов, «Қаржы орталығы» АҚ басқарма төрағасы:

Ваучерлік қаржыландыру ата-ананың балабақшаны өз еркімен таңдауын қарастырады. Осылайша барлық балабақша балалар үшін жұмыс істемек. Сонымен қатар ата-аналар сапаға назар аударады. Ата-аналар бас тартқан бақшалар жабылады немесе білім беру сапасын жақсартуға көшеді. Біз сондай-ақ «жалған тіркеуге» қатысты ұзақ жылғы мәселені шешеміз.

Динара Жарқынбек