Пәкістанда дінаралық қақтығыстан 82 адам қаза тапты

Пәкістанның солтүстік-батысында дінаралық қақтығыстан 80-нен астам адам қаза тапты. 156 тұрғын жараланған. Оқиға жергілікті халықтың наразылық акциясына шығуына себеп болды.

Шииттер мен сүнниттер Ауғанстан шекарасы маңындағы Куррам деген ауданда жанжалдасқан. Қантөгіске жер дауы себепші. Соңғы мәліметке қарағанда, келіссөздер нәтижесінде 7 күндік ымыра жарияланып, қақтығыс тоқтаған. 21 қарашада басталған тәртіпсіздіктер кезінде әйелдер мен балалар да шабуылға ұшыраған.

Арыстан Рысбек