Астанада 200 сарбаз ант қабылдады

Еліміздің қарулы күштері тағы да жас сарбаздармен толықты. Биыл Астанаға күзгі шақырылыммен мерзімді қызметін өтеуге келген 200 азамат әскери ант қабылдады. Серт беру рәсімі Отан қорғаушылар монументі алаңында өтті. Іс-шараға әскери бөлім қолбасшылары, Қарулы күштердің ардагерлері, сондай-ақ сарбаздардың ата-аналары мен жақындары да қатысты. Жиында Әскери бөлімшенің техникалық мүмкіндіктері де таныстырылды.

Арғын Болатұлы, ҚР Қарулы күштері әскери бөлімінің аға-лейтенанты:

Осыған дейін 1 ай көлемінде бұл сарбаздарды қабылдау пунктінде дайындалды. Оған дейін олар өз қалаларында медициналық тексерістен өтті. Әскери борышын мемлекеттік күзет қызметі айрықша мақсаттағы күштері Айбын президенттік полкінде өз қызметтерін 1 жыл көлемінде өтейді. 

Қарулы күштер қатарына алынған жауынгерлер енді 1 жыл бойы ел тыныштығы жолында қызмет атқарады. Сарбаздарға жүктелер міндет аз емес. Темірдей тәртіп әрбір азаматты шыңдай түсері анық.

Динара Жарқынбек