Түркістан облысында 25 мың гектар жерге сексеуіл тұқымы себіледі

Түркістан облысындағы табиғи парк аумағындағы 25 мың гектардан астам жерге сексеуіл тұқымы себіледі. Қазір Отырар орман қорына тиесілі жер учаскесі дайын. Жалпы өңірде келер жылға дейін «Таза Қазақстан» республикалық акциясы аясында 170 миллион түп ағаш егу жоспарланған. Биыл 2 мың гектар жерге сексеуіл көшеті отырғызылды. Құмды жерлерге егілген сексеуіл желді күндері құм көшкінін болдырмай, шаң-тозаңнан қорғайды.

Нұрдәулет Оразымбетов, орман шаруашылығы және жануарлар дүниесі комитеті облыстық инспекциясының бөлім басшысы:

Қазіргі таңда жоспар бойынша күзгі айларында сексеуіл көшеттерін отырғызу жоспарланған. 26 900 гектар сексеуіл тұқымын себу жұмыстары жүргізіледі. Көбіне бізде сексеуіл тұқымын себу, егу жұмыстары жүргізілуде.

Айнұр Әбілқасымқызы